VLEISINVOERE LAAT DIE WENKBROUE LIG
Erkenning: Koos du Pisani van Plaasmedia
Die invoerstatistiek van rooivleis sowel as lewendige vee word maandeliks bekend gemaak in verslae deur verskillende agentskappe. Die bron van hierdie statistiek is egter SARS, wat die hoeveelhede en pryse van invoere bekendmaak.
Gedurende Julie het hierdie invoerdata groot opslae op sosiale media gemaak aangesien produsente ongelukkig was oor nie net die groot hoeveelhede vleis en lewendige diere wat ingevoer word nie, maar ook oor die lae gerapporteerde pryse waarteen dit die land binnekom. Baie van hulle het gevoel die rooiligte behoort te flikker en die RPO moet ingryp.
Dr. Frikkie Maré, Hoofuitvoerende Beampte van die nasionale RPO, is saam met die produsente bekommerd oor hierdie stand van sake. “Invoere word natuurlik deur primêre produsente in `n swak lig beskou, veral gedurende tye wanneer ons plaaslike marktoestande ongunstig is met lae pryse. Die grootste rede wat in die plaaslike mark aangevoer word ten tye van lae pryse is dat daar `n ooraanbod van vee is wat die pryse afdwing. Dit is dus moeilik om te verstaan hoekom Suid-Afrika dan nog vleis en vee sal invoer indien ons klaar met `n ooraanbod sit.”
Om sin te maak van die invoere (prys en hoeveelheid) en hoekom dit gebeur, is dit egter nodig om nie wanopvattings te maak nie. Die probleem is dat `n kort uittreksel uit `n verslag dikwels nie die hele situasie in perspektief stel nie. Wanneer jy al die punte bymekaarvat en al die syfers begin ontleed, verander die prentjie.
Die Mei 2024-syfers het byvoorbeeld aangedui dat daar in dié maand 349 ton skaapvleis vanaf Australië ingevoer is. Dit is 138% meer as die vorige jaar. Die “Free-on-Board” prys vir hierdie vleis was ook ongeveer 10% laer as ’n jaar gelede en skaapboere voel dus onmiddelik hulle trek aan die kortste end aangesien die invoere die binnelandse prys afdruk.
Die hoeveelheid
“In Suid-Afrika produseer ons byna 160 000 ton skaapvleis per jaar. Dit is dus sowat 13 500 ton per maand. Die ingevoerde vleis verteenwoordig dus ongeveer 2.6% van die maandelikse produksie van skaapvleis. Dit het dus nie so ’n groot uitwerking op die nasionale produksie van skaapvleis nie. Suid-Afrika is ’n netto-invoerder van skaapvleis omdat produsente nie genoeg kan produseer vir die binnelandse behoefte aan skaapvleis nie,” is sy mening.
Onmiddellik kom die vraag dan op, indien ons `n netto-invoerder is, hoekom is ons produk nie duurder nie? Daar moet onthou word dat vars lamsvleis op vertoonrakke en bevrore skaapvleis, wat dikwels vir verwerking gaan, nie die dieselfde produk is nie. Die Suid-Afrikaanse ekonomie het nie in die stadium ‘n aptyt om die vraag en prys van lamsvleis te ondersteun nie, maar dit beteken nie dat die goedkoop, laer kwaliteit, gevriesde skaapvleis nie meer benut word nie. Verder moet korttermyn vraag en aanbod, waar aanbod wel die vraag kan oorskry, onderskei word van die jaarlikse produksie en verbruik. Die totale jaarlikse verbruik van skaap- en lamsvleis in Suid-Afrika is meer as wat ons kan produseer.
Prys is verwarrend
Hy noem ook dat die prys van die ingevoerde vleis, waarna verwys word, eintlik verwarrend is.
“Die Australiese vleis is ingevoer teen `n Free-on-Board (FOB) prys van R29,11 per kg. Wat almal egter nie besef nie, is dat dit net die prys is waarteen die vleis in Australië op die skip gelaai word. Dit sluit nie vragkoste, versekering, invoerbelasting, hawekostes, hanteringsfooi of vervoerkoste in nie. Daar moet verder ook nog ’n 40% Ad Valorem invoertarief op die prysbedrag bygevoeg word.
Dr. Maré het ’n prys uitgewerk en volgens sy berekening land die vleis op die Suid-Afrikaanse mark teen ’n prys van ongeveer R56 per kg, voor BTW. Dit is dus aansienlik meer as die R29 waarvoor die vleis op die skip gelaai is en baie in lyn met die plaaslike C-graad prys.
Gehalte van ingevoerde vleis
Dr. Maré sê nog ’n faktor wat ook in aanmerking geneem moet word, is dat dit gevriesde vleis is wat ingevoer word. Dit is dus ’n produk van baie swakker gehalte as die Suid-Afrikaanse eweknie.
“Omdat daar ’n droogte in Australië is, is dit meestal ou diere met min vet wat geslag word. Die produk kan dus nie teen dieselfde prys as die Suid-Afrikaanse skaapvleis bemark word nie. Dit is nie die gehalte vleis wat in vertoonkaste uitgestal word nie en ’n goedkoper produk. Omdat die vraag na hierdie tipe produk groter is as wat die aanbod is, moet daar in die handel ’n plan gemaak word om meer vleis in die land te kry, sonder om die plaaslike produsente te benadeel,” verduidelik hy.
Lewendige skaap-invoere
In Mei het daar ook sowat 95 000 lammers, hoofsaaklik van Namibië, ingekom. Hierdie lammers het teen ’n gemiddelde prys van R1 112 ingekom. Dadelik dink mens dit is maar min vir ’n lam.
Dit is egter die prys per dier wat die Namibiese agent ontvang. Dan moet die vervoerkoste en ander uitgawes in gedagte gehou en bygetel word. Uit statistieke is bewys dat hierdie lammers sowat 15kg uitslag en van heelwat swakker gehalte is as die Suid-Afrikaanse lammers. Dr. Maré het die som gemaak en gevind dat die karkasse wat op die ou end in die Suid-Afrikaanse mark beland, sowat 74 per kg kos. Dit is ook relatief naby aan die Suid-Afrikaanse prys.
Daar is oplossings
Hoewel die RPO nie enige invloed het op die prys van rooivleis nie en ook nie by magte is om handel tussen Namibië en Suid-Afrika te beperk nie, is hulle agter die skerms besig om Suid-Afrikaanse produsente sovêr moontlik te beskerm. Die maandelikse invoersyfers word transaksiegewys gemonitor om te verseker dat produkte nie teen abnormale lae pryse ingevoer word en so basies die ad valorum invoertarief systap nie. Indien enige ongeruimdhede opgetel word, word dit gerapporteer en ondersoek. Hulle poog ook om in samewerking met die Departement Landbou en die Direktoraat Dieregesondheid gesprekke te voer om `n stelsel in plek te stel wat meer deursigtig is in terme van die aantal diere wat ingevoer word om sodoende bottelnekke te probeer voorkom.
As die RPO, rooivleisprodusente en ander rolspelers in die waardeketting weet hoeveel diere ingevoer word kan hulle die plaaslike aanbod beter bestuur om knelpunte in die mark te verminder.
Dr. Maré sê ook die RPO doen alles in hul vermoë om die uitvoermark te stimuleer en produsente te bemagtig om meer betrokke te raak by uitvoere ten einde ’n meer stabiele mark vir rooivleis te verseker.
MEAT IMPORTS RAISE EYEBROWS
Credit: Koos du Pisani from Plaasmedia
The import statistics of red meat as well as live stock are published monthly in reports by different agencies. However, the source of these statistics is SARS, which publishes the quantities and prices of imports.
During July, this import data made headlines on social media as producers were unhappy about not only the large quantities of meat and live animals being imported, but also about the low reported prices at which it entered the country. Many of them felt the red lights should be flashing and the RPO should intervene.
Dr Frikkie Maré, Chief Executive Officer of the national RPO, is concerned together with the producers about this state of affairs. Imports are naturally viewed in a poor light by primary producers, especially during times when our local market conditions are unfavourable with low prices. The biggest reason given in the local market for low prices is that there is an oversupply of livestock which forces the prices down. It is therefore difficult to understand why South Africa will still import meat and livestock if we end up with an oversupply.”
However, to make sense of the imports (price and quantity) and why it happens, it is necessary not to make misconceptions. The problem is that a short extract from a report often does not put the whole situation into perspective. When you add up all the points and start analysing all the numbers, the picture changes.
For example, the May 2024 figures indicated that 349 tonnes of mutton were imported from Australia in that month. This is 138% more than the previous year. The “Free-on-Board” price for this meat was also approximately 10% lower than a year ago and sheep farmers therefore immediately feel that they are getting the short end of the stick as the imports depress the domestic price.
Price is confusing
He also mentions that the price of the imported meat, which is referred to, is actually confusing.
The Australian meat was imported at a Free-on-Board (FOB) price of R29.11 per kg. However, what everyone does not realise is that this is only the price at which the meat is loaded onto the ship in Australia. It does not include freight charges, insurance, import duties, port charges, handling fee or transportation charges. A 40% Ad Valorem import tariff must also be added to the price amount.
Dr Maré worked out a price and according to his calculation, the meat lands on the South African market at a price of approximately R56 per kg, before VAT. This is therefore significantly more than the R29 for which the meat was loaded on the ship and very much in line with the local C grade price.
Quality of imported meat
Dr Maré says another factor that must also be taken into account is that it is frozen meat that is imported. It is therefore a product of much lower quality than the South African counterpart.
“Because there is a drought in Australia, it is mostly old animals with little fat that are slaughtered. The product cannot therefore be marketed at the same price as South African mutton. It is not the quality meat that is displayed on display shelves and it is a cheaper product. Because the demand for this type of product is greater than the supply, a plan must be made in the trade to get more meat in the country, without harming the local producers,” he explains.
Live sheep imports
In May, around 95 000 lambs, mainly from Namibia, were also imported. These lambs came in at an average price of R1 112. You immediately think that this is little for a lamb.
However, this is the price per animal that the Namibian agent receives. Then the transport costs and other expenses must be kept in mind and added. From statistics it has been proven that these lambs are about 15kg in weight and of much lower quality than the South African lambs. Dr Maré did the sum and found that the carcasses that end up in the South African market cost about 74 per kg. This is also relatively close to the South African price.
There are solutions
Although the RPO does not have any influence on the price of red meat and is not empowered to limit trade between Namibia and South Africa, behind the scenes they are working to protect South African producers as much as possible. The monthly import figures are monitored transaction-wise to ensure that products are not imported at abnormally low prices and thus basically bypass the ad valorum import tariff. If any irregularities are picked up, they are reported and investigated. They are also trying to hold discussions in collaboration with the Department of Agriculture and the Directorate of Animal Health to put a system in place that is more transparent in terms of the number of animals that are imported, in order to try to prevent bottlenecks.
If the RPO, red meat producers and other players in the value chain know how many animals are imported, they can better manage the local supply to reduce bottlenecks in the market.
Dr Maré also says that the RPO is doing everything in their power to stimulate the export market and empower producers to become more involved in exports in order to ensure a more stable market for red meat.